ഇത്ര മേൽ എന്നെ നീ സ്നേഹിച്ചിരുന്നെങ്കിൽ ...

ചിത്രം- നോവല്‍
രചന - ഈസ്റ്റ്‌ കോസ്റ്റ്‌ വിജയന്‍
സംഗീതം- എം. ജയചന്ദ്രന്‍.
ആലാപനം – യേശുദാസ്, സുജാത


ഇത്ര മേൽ എന്നെ നീ സ്നേഹിച്ചിരുന്നെങ്കിൽ
എന്തിനു നീയെന്നെ വിട്ടകന്നു
എവിടെയോ പോയ് മറഞ്ഞൂ
ഇത്ര മേൽ എന്നെ നീ സ്നേഹിച്ചിരുന്നെങ്കിൽ
എന്തിനു നീയെന്നെ വിട്ടയച്ചു
അകലാൻ അനുവദിച്ചൂ (ഇത്രമേൽ..)


ഇത്ര മേൽ എന്നെ നീ സ്നേഹിച്ചിരുന്നെങ്കിൽ
എല്ലാം സഹിച്ചു നീ എന്തേ ദൂരേ മാറിയകന്നു നിന്നൂ
മൗനമായ് മാറിയകന്നു നിന്നൂ
ഇത്ര മേൽ എന്നെ നീ സ്നേഹിച്ചിരുന്നെങ്കിൽ
എല്ലാമറിഞ്ഞ നീ എന്തേ എന്നെ മാടി വിളിച്ചില്ലാ
ഒരിക്കലും അരുതേ എന്നു പറഞ്ഞില്ലാ
ഇത്ര മേൽ എന്നെ നീ സ്നേഹിച്ചിരുന്നെങ്കിൽ സ്നേഹിച്ചിരുന്നെങ്കിൽ....


അരുതേയെന്നൊരു വാക്കു പറഞ്ഞിരുന്നെങ്കിൽ
ഞാൻ അകലാതിരുന്നേനേ
ഒരു നാളും അകലാതിരുന്നേനേ
നിൻ അരികിൽ തല ചായ്ച്ചുറങ്ങിയേനെ
ആ മാറിൻ ചൂടേറ്റുണർന്നേനെ
ആ ഹൃദയത്തിൻ സ്പന്ദനമായ് മാറിയേനേ
ഞാൻ അരുതേ എന്നു പറഞ്ഞില്ലയെങ്കിലും എന്തേ അരികിൽ നീ വന്നില്ല
മടിയിൽ തല ചായ്ച്ചുറങ്ങീലാ
എൻ മാറിൻ ചൂടേറ്റുണർന്നീല
എൻ ഹൃദയത്തിൻ സ്പന്ദനമായ് മാറിയില്ല
നീ ഒരിക്കലും സ്പന്ദനമായ് മാറിയില്ല
ഇത്ര മേൽ എന്നെ നീ സ്നേഹിച്ചിരുന്നെങ്കിൽ സ്നേഹിച്ചിരുന്നെങ്കിൽ....

സ്വന്തം സ്വപ്നമായ് മാറും വിധിയുടെ കളിയരങ്ങല്ലേ ജീവിതം
അന്നു ഞാൻ പാടിയ പാട്ടിന്റെ പല്ലവി അറിയാതെ ഞാനിന്നോർത്തു പോയി
നിനക്കായ് തോഴാ പുനർജ്ജനിക്കാം
ഇനിയും ജന്മങ്ങളൊന്നു ചേരാം
സ്വന്തം സ്വപ്നമായ് മാറും വിധിയുടെ കളിയരങ്ങല്ലേ ജീവിതം
അന്നു ഞാൻ പാടിയ പാട്ടിന്റെ പല്ലവി അറിയാതെ ഞാനിന്നോർത്തു പോയി
നിനക്കായ് തോഴീ പുനർജ്ജനിക്കാം
ഇനിയും ജന്മങ്ങളൊന്നു ചേരാം
ഇത്ര മേൽ എന്നെ നീ സ്നേഹിച്ചിരുന്നെങ്കിൽ സ്നേഹിച്ചിരുന്നെങ്കിൽ..