Pages

Wednesday, 13 July 2011

വിരഹത്തിന്‍ വേദനയറിയാന്‍ പ്രണയിക്കൂ ഒരുവട്ടം

വിരഹത്തിന്‍ വേദനയറിയാന്‍ പ്രണയിക്കൂ ഒരുവട്ടം
വിടരാ പൂമൊട്ടുകളവിടെ കരയിക്കും പലവട്ടം
നഗ്നമേനികള്‍ നീലരാവിലുരയുന്ന സുഖമല്ല പ്രണയം
നേരു നിറയുന്ന നോവു നീറുന്ന മധുരനൊമ്പരം പ്രണയം
അതിലലിയുംതോറും മധുരം മധുരം മധുരം മധുരം


മാനമാകെ മധുമാരിവില്ലു തെളിയുന്ന പോലെ തോന്നും
മനസിലന്നു വരെ കണ്ടതില്ലാത്ത മയിലു പീലി നീര്‍ത്തും
ഒഴുകിയകലുന്ന പുഴയില്‍ പനിനീരെന്നു തോന്നും
തഴുകിയകലുന്ന കാറ്റും ചങ്ങാതിയെന്നു തോന്നും
സ്വപ്നങ്ങള്‍ പതിവാകും സ്വര്‍ഗ്ഗങ്ങള്‍ കുളിരേകും
നിലാവുള്ള രാവില്‍ മയങ്ങാതെയാകും


വാനിലുള്ള മധുമാരിവില്ലു മഴയോടെ മാഞ്ഞു പോകും
മനസിലന്നു വരെ പീലി നീര്‍ത്തി മയിലും പറന്നു പോകും
ഒഴുകിയകലുന്ന പുഴയില്‍ കണ്ണീരെന്നു തോന്നും
തഴുകിയകലുന്ന കാറ്റും തെമ്മാടിയെന്നു തോന്നും
സ്വപ്നങ്ങള്‍ വിടചൊല്ലൂം സ്വര്‍ഗ്ഗങ്ങള്‍ കനലേകും
നിലാവിന്റെ ഭാവം വിഷാദങ്ങളാകും


 



No comments:

Post a Comment